Тошкентдаги «Ўрикзор» бозори икки йил давомида кўп миллиардлик фойда билан чуқур минусдан чиқди. Бу ҳақда Давлат активларини бошқариш агентлиги маълумотларига таяниб, Spot хабар берди.
Эълон қилинган молиявий ҳисоботга кўра, бозорни бошқарувчи «Ўрикзор савдо комплекси» МЧЖ 2018 йилда 53,6 миллиард сўм, 2019 йилда эса 59,1 миллиард сўм фойда кўрган. 2020 йилнинг учинчи чораги бўйича фойда 36,5 миллиард сўмни ташкил этмоқда.
Бироқ компания фақат ўтган икки йил ичида фойда кўрган — 2018 йилни 15,9 миллиард сўм зарар билан ёпган:
Бир йилда МЧЖ 33 миллиард сўмга яқин солиқ тўлайди. Бозорнинг 2 миллиард сўмга яқин қарзи бор, бироқ унинг ўзидан 13 миллиард сўмдан ортиқроқ қарздорлик мавжуд. Соф активлар уч йилдан буён ўсмоқда:
Эслатиб ўтамиз, 2018 йилда Тошкентдаги «Ўрикзор» улгуржи-чакана бозори сотувга қўйилган эди. Ўшанда Тошкент автомобиль ҳалқа йўлида жойлашган, 22,7 минг квадрат метр майдонга эга биринчи комплекс 42,7 миллиард, Уйғур кўчасидаги майдони 23,6 минг квадрат метр бўлган иккинчи комплекс 62 миллиард сўмдан таклиф этилган. Кейинроқ Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Тошкент шаҳар ҳудудий бошқармаси бозор сотувга қўйилмаганини билдирган эди.
Изоҳ (0)