Бел ўлчамингиз ингичка бўлмагани учунгина парҳез қилиш ёки спортзалга боришга шошилманг. Чунки соғлиғингизда ҳеч қандай муаммо бўлмаса, сизни ҳеч нима безовта қилмаса ва ўзингизни яхши ҳис қилсангиз, унда озишингизга ҳожат бўлмаслиги мумкин.
Вазн тўплаш билан боғлиқ касалликларнинг йўқлиги
Меъёрдаги бел ўлчами аёллар учун 70 см, эркаклар учун 80 см ҳисобланади. Ушбу кўрсаткичлар ортган бўлса, юрак-қон касалликлари ривожланиши эҳтимоли катта. Аммо сизда бу кўрсаткич меъёрдан ортиқ бўлган тақдирда ҳам, қондаги холестерин, қанд ва артериал босимни ўлчаб туриш керак. Агар улар меъёрда бўлса, вазнингиз ўзингизга тўғри келади ва парҳез қилишингизга ҳожат қолмайди.
Пульснинг меъёрдан кўплиги
Меъёрда 60 дан 100 гача пульс бўлиши керак. Пульсингиз шунга мувофиқ бўлса, юрагингизда қўшимча зўриқиш йўқ ва сиз вазн ташлашингиз шарт эмас. Агар меъёрдан бошқача бўладиган бўлса, демак ҳаёт тарзингизни ўзгартиришингиз, фаол ва соғлом ҳаёт кечиришингиз керак.
Кун давомида етарли энергия
Агар сизда кун давомида энергия етадиган бўлса, тонгда ўзингизни тетик ҳис қилсангиз ҳамда кучга тўлиш учун кофеинга эҳтиёж сезмасангиз, демак сизда муаммо йўқ. Ортиқча вазн суяк ва бўғимларни қўшимча зўриқтиради ва шу сабаб ҳам киши чарчоқ ҳис қилади ва уйқу босаверади. Агар кун давомида ўзингизни тетик ва енгил ҳис қилсангиз, ким нима дейишидан қатъи назар, вазнингиз сизга ортиқча эмас.
Меъёрий ёғ баланси
Килолар ҳам ўлчам, ҳам қоматингиз қанчалик соғлом эканидан дарак бермайди. Аслида эса организмдаги ёғ фоизига боғлиқ бўлади. Агар танангизда ёғ ва мушакларнинг ўзаро нисбати меъёрда бўлса, хавотирга ўрин йўқ. Агар ёғлар кўпайиб кетса, озишга ҳаракат қилсангиз бўлади.
Изоҳ (0)