Фарғона вилояти Фарғона шаҳрида икки ёшли фарзандини 1500 АҚШ долларига сотмоқчи бўлган аёл қўлга олинди, дея хабар бермоқда «Халқ сўзи Online».
Маълум қилинишича, Фарғона шаҳрида яшовчи 24 ёшли Г.С. икки ёшли ўғли Ш.Т.ни 1500 АҚШ долларига сотишни режалаштиради. Шу мақсадда ўзаро келишув асосида бола учун келишилган пулнинг 500 долларини олаётган вақтда қўлга олинди.
Терговга қадар текширувда аниқланишича, ҳали турмушга чиқмаган аёл фоҳишалик қилиб юриб ушбу болани туғган. Шу боис боланинг отаси кимлиги ҳам номаълум.
Маълум қилинишича, 2020 йилнинг ўтган даврида Ўзбекистонда ўз фарзандини сотиш билан боғлиқ 23 та ҳолат кузатилган.
Аввалроқ Наманганда турмушга чиқмаган аёл 6 ойлик чақалоғини 1,9 миллион сўмга сотиб юборгани, Сирдарёда тўрт кунлик чақалоғини 20 минг долларга сотаётган аёл ҳамда Хивада 4 ойлик қизини 120 млн сўмга сотмоқчи бўлган аёл қўлга олингани ҳақида хабар берилган эди.
Изоҳ (0)