Чемпионлар Лигасида ҳафтанинг энг яхши ўйинчиси ва энг чиройли гол муаллифи аниқланди

«Аякс» ярим ҳимоячиси Душан Тадич Европа Чемпионлар Лигасининг 4-тур якунларига кўра ҳафтанинг энг яхши ўйинчиси деб топилди.

Сербиялик футболчи «Мидтюлланд»га қарши учрашувда (3:1) иккита голли узатма муаллифига айланганди.

Ушбу мукофот учун шунингдек, қуйидаги футболчилар кураш олиб борганди.

• Жейдон Санчо («Боруссия Д») — «Брюгге»га қарши ўйинда (3:0) гол ва голли узатма;
• Бруну Фернандеш («Манчестер Юнайтед») — «Истанбул Башакшеҳир»га қарши баҳсда (4:1) иккита гол ва 77% узатмалар аниқлиги;
• Робин Госенс («Аталанта») — «Ливерпуль»га қарши ўйинда (2:0) гол ва 73% узатмалар аниқлиги;

Ҳафтанинг энг чиройли голини аниқлаш учун ўтказилган сўровномада «Манчестер Юнайтед» ярим ҳимоячиси Бруну Фернандеш ғолиб чиқди. Унинг «Истанбул Башакшеҳир»га урган иккинчи голи биринчи ўринга лойиқ кўрилган.