Yandex Go Тошкентда юк машинаси ва юк ташувчиларни ўз ичига олган «Юк ташиш» тарифини жорий қилди

Эндиликда Тошкентда Yandex Go (аввалги Yandex.Тахи) иловасида юк машинасини ҳам буюртириш мумкин. Янги хизмат уйдан-уйга кўчишда ёки дўкондан янги диван, таъмирлаш учун қурилиш моллари, майдончага жиҳозлар етказишда жуда асқатади.

Тошкентда «Юк ташиш» тарифи бўйича йўл ҳақи 63 000 сўмдан бошланади. Унга юк ортиш учун 10 дақиқа ва юк тушириш учун 10 дақиқа, шунингдек, дастлабки 40 дақиқа ва 15 километр масофа киради. Масалан, бу суммага Samarqand Darvoza’дан Green City турар жой мажмуасигача кичик кузовли юк машинасида юкни етказиш мумкин. Ўртача кузовли машинада Ecobozor бозоридаги мебель дўконидан Гранд бизнес-марказигача юк ташиш тахминан 90 000 сўм бўлади. Йўл ҳақи олдиндан аниқ кўрсатилади – иловага етказиб бериш манзили киритилса, бас. Қўшимча вақт соатбай эмас, дақиқаларда ўлчанади. Шу сабабли фойдаланувчилар етказиб бериш амалда қанча вақтни олса, ўшанчага тўлайдилар.

Юк машинаси билан бирга, юкни ташишга бир ёки икки нафар юк ташувчини ҳам чақириш мумкин. Бу опсия буюртмага «Истаклар»дан жой олган, унинг учун қўшимча тўлов кўзда тутилган. Биргина чеклов – бир юк ташувчи чақирилганда, ҳар бир ашё 20 килограммдан оғир бўлмаслиги керак, икки киши эса 50 килограммгача бўлган юкни кўтаради. Бунда, фойдаланувчининг ўзи ашёларини кузатиб бора олиши учун, салонда доимо йўловчига жой сақлаб қолинади.

«Юк ташиш» тарифи бўйича буюртмаларга сиғими катта машиналар келади. Масалан, «Газел-3302», Isuzu, Daewoo Лабо, Changan, Лифан ЛФ1022Б. Кичик кузовли машиналар юк бўлмасининг минимал ўлчами – баландлиги 90 см, эни 100 см ва узунлиги 170 см. Ўртача кузовли автомобилларда – баландлиги 150 см, эни 160 см ва узунлиги 260 см. Фургонга ашёлар солинган кўплаб қутилар, ўртача диван, велосипед ва ошхона плитаси сиғиб кетади.

Жорий йил апрелдан бошлаб Тошкентдаги Yandex Go’да «Етказиш» хизмати ҳам кўрсатилмоқда, у шаҳар бўйлаб кичик ашёлар ва ҳужжатларни етказиш учун мос келади.

Ўзбекистонда Yandex Go бир вақтда бир неча сервислар имкониятларини бирлаштиради: тезкор такси буюртмаси, ашёлар юбориш, юк ташиш ва жамоат транспорти жадвали. Бир иловада барчасининг жамланганлиги фойдаланувчиларга шаҳар бўйлаб ҳаракатланиш борасидаги исталган вазифаларни тезда ҳал қилиш имконини беради. Бугунги кунда Yandex Go’дан Тошкент, Наманган, Марғилон ва Фарғонада фойдаланиш мумкин.

Реклама ҳуқуқи асосида.