Россия Фарғонадан помидор ва қалампир олиб киришга тақиқ қўйди

Россия ветеринария ва фитосанитария назорати бўйича федерал хизмати 26 ноябрь куни Фарғона вилоятида етиштириладиган помидор ва қалампир маҳсулотларининг мамлакат ҳудудига олиб кирилишига тақиқ қўйди. Тақиқ сабаби уларда карантин касаллиги тобамовирус аниқланганлиги айтилмоқда.

Таъкидланишича, чекловлар Россия ҳудудига вируснинг кириб келиши ва тарқалишининг олдини олиш учун мўлжалланган.

Маълумот учун, уруғли жигарранг буришган вирус (ToBRFV Tomato brown rugose fruit virus) сабзавот экинларига зарар етказади, баргларда доғлар ҳосил қилиб, уруғ деформациясига олиб келади.

«Агар вирус юқтирган сабзавот саноат иссиқхонасига тушиб қолса, бу ундаги барча ўсимликларнинг тўлиқ ўлимига олиб келиши мумкин», — дейилади хабарда.