Сирдарё вилояти Гулистон шаҳрида фуқароларга 1100 доллар эвазига ҳайдовчилик гувоҳномаси олиб беришни ваъда қилган МЧЖ раҳбари ўринбосари қўлга олинди, дея «Дарё»га хабар қилмоқда Бош прокуратура.
Бош прокуратура ҳузуридаги департамент ҳамда ДХХнинг Гулистон шаҳар бўлимлари томонидан тезкор тадбир ўтказилган.
Тадбирда Сирдарё автомобиль ўқув ишлаб чиқариш комбинати МЧЖ директори ўринбосари Ш.Р. фуқаролар О.А. ва Л.А.нинг ҳайдовчилик гувоҳномаларини катта юк ташувчи автомашиналарни бошқариш ҳуқуқини берувчи C ва E тоифасига танишлари орқали ўзгартириб бериш эвазига фирибгарлик йўли билан 1 100 АҚШ долларини олган вақтида ашёвий далил билан ушланган.
Мавзуга доир: Ўзбекистонда 9 ойда коррупцияга оид жиноятлар содир этган мансабдор шахслар ҳақидаги маълумот очиқланди
Аввалроқ Трансформатор ўрнатиб бериш эвазига 3800 доллар сўраган «Андижон ҳудудий электр тармоқлари» ходими, Самарқандда коллежга киритиб қўйиш эвазига фуқародан 400 доллар олаётган шахс ҳамда Тошкентда Камерун фуқаросини тутқунликда сақлаган жиноий гуруҳ қўлга олингани ҳақида хабар берилган эди.
Изоҳ (0)