Россиянинг тегишли лицензияга эга авиакомпаниялари 12 та мамлакат, шу жумладан, Ўзбекистонга доимий парвозларни амалга ошириш учун рухсат олди. Бу ҳақда «Коммерсантъ» хабар берди.
Авиакомпаниялар қуйидаги мамлакатларга доимий парвозларни амалга ошириш учун рухсат олган:
- Беларусь;
- Исроил;
- Кипр;
- Куба;
- Ливан;
- Мальдив ороллари;
- Марокаш;
- Уммон;
- Словакия;
- Ўзбекистон;
- Финляндия;
- Хорватия.
«Росавиация» томонидан хабар берилишича, мазкур рухсатномаларни бериш ҳақидаги қарор халқаро йўналишларда парвозларни қайта тиклаш учун асос ҳисобланмайди. Рухсатнома парвозлар қайта тикланган тақдирда авиакомпаниялар фойдаланиши мумкин бўлган ҳуқуқ ҳисобланади.
Россиянинг хорижий давлатлар билан доимий авиақатновлари коронавирус пандемияси сабабли 2020 йилнинг 27 мартидан бошлаб тўхтатилган. Август ойидан Россия бошқа мамлакатлар билан авиақатновларни босқичма-босқич қайта тиклашни бошлаган.
Эслатиб ўтамиз, сентябрь ойида Ўзбекистон бош вазири ўринбосари, Республика махсус комиссияси аъзоси Азиз Абдуҳакимов Россия Ўзбекистоннинг мунтазам авиақатновларни тиклаш бўйича таклифини рад этганини маълум қилганди.
Изоҳ (0)