Қор ёғган кунда Тошкент жамоат транспорти талаб даражасида ишламади. Масъуллар автобусларни имкон қадар кўпайтиришга ваъда берди

18 ноябрь куни Тошкент шаҳрига ёғган қордан кейин пойтахтдаги жамоат транспорти фаолиятида қийинчиликлар юзага келди. Ижтимоий тармоқларда жамоат транспортининг етишмаслиги ва автомобиллар ҳаракатининг секинлиги сабаб юзага келган тирбандликларнинг фото ва видеолари тарқалди.

Интернет фойдаланувчилари автобуслар аҳолининг эҳтиёжини қондира олмаётганидан норози бўлиб, турли постлар қолдирмоқда.

«Ҳурматли Шерзод Мусаев («Тошшаҳартрансхизмат» масофавий назорат ва йўналиш тармоғини ишлаб чиқиш бошқармаси бошлиғи — таҳр.) ишга бориш учун бекатларда тонгги автобусларни кутмаган кўринади. Худди унинг бошлиғи — Анвар Жўраев каби. Иссиқ машинадан туриб бекатларда музлаб турган йўловчиларга мийиғида кулиб қўйиш ҳам мумкин…

Биз узоқ вақт транспорт тизимида ишлайдиган одамлар бу ишни қила олишига ишона олмадик. Аммо маълум бўлишича, қила олишар экан. Нормал давлатларда бу каби ҳолатдан сўнг истеъфога чиқишади. Бизда нима бўлар экан?», — деб ёзади Telegram’даги «Ко дну» канали.

«Метрополитен — яхши. Автобуслар — унчалик эмас.

Мониторинг билан боғлиқ вазият бўлмаганида балки барчасини тушуниш ва кечириш мумкин бўларди. Об-ҳаво ҳақида олдиндан маълум эди ва нима сабабдан одамлар мониторинг одамларга ҳар доимгидан ҳам кўпроқ керак бўлганида ундан маҳрум қилинди — бу ҳам жавобсиз қолмоқда», — дейилади яна бир постда.

19 ноябрь пойтахт бўйлаб ҳаракатланадиган автобуслар сони ва қайси автобус саройидан нечта автобус ҳаракатланиши ҳақида маълумотлар:

1. 1-Автобус саройи: 107 та

• Катта сиғимли: 46 та;
• Кичкина сиғимли: 59 та.

• Катта сиғимли: 76;
• Кичкина сиғимли: 45 та.

• Катта сиғимли: 50 та;
• Кичкина сиғимли: 54 та.

• Катта сиғимли: 35 та;
• Кичкина сиғимли: 55 та.

• Катта сиғимли: 52 та;
• Кичкина сиғимли: 64 та.

• Катта сиғимли: 90 та;
• Кичкина сиғимли: 84 та.

• Катта сиғимли: 55 та;
• Кичкина сиғимли: 78 та.

• Катта сиғимли: 66 та;
• Кичкина сиғимли: 78 та.

Таъкидланишича, автобусларнинг йўналишга ўз вақтида камчиликларсиз, тўлиқ чиқишини назорат қилиш мақсадида, «Тошшаҳартрансхизмат» акциядорлик жамияти томонидан, ҳар бир автобус саройига жамиятдан бошқарув раиси ҳамда унинг ўринбосарлари ва тегишли мутахассисларни жалб қилган ҳолда, биттадан масъул ходим бириктирилиб, автобусларни йўналишга тўлиқ чиқарилишини қатъий назоратга олмоқда.

Аввалроқ Ўзбекистонда 18 ноябрь куни бошланган ноқулай об-ҳаво шароити 20 ноябрга қадар давом этиши кутилаётгани тўғрисида хабар берилганди.