Бухоро вилоятида пиёдалар ўтиш жойидан йўлни кесиб ўтаётган ота-болани Lacetti катта тезликда уриб кетди, дея хабар бермоқда ЙҲХББ.

Маълум қилинишича, 2020 йил 18 ноябрь куни соат тахминан 20:25 ларда фуқаро ўз бошқарувида бўлган Lacetti автомашинасини Бухоро шаҳар ҳудудидан ўтувчи Жомий кўчаси бўйлаб Автомобиль ва йўллар коллежи йўналишида бошқариб кетаётган бўлган.

У шу йўлнинг ўнг томонида жойлашган бекат рўпарасидаги пиёдалар ўтиш йўлагидан кесиб ўтаётган пиёдалар 2010 йилда туғилган вояга етмаган бола ва 1983 йилда туғилган Хоразм вилояти Қўшкўпир тумани «Ҳосиён» қишлоғида яшовчи фуқарони автомашинасининг олд қисми билан уриш натижасида ЙТҲ содир қилган.

Оқибатда пиёдалар оғир тан жароҳати олиб Республика шошилинч тез тиббий ёрдам илмий маркази Бухоро филиалига ётқизилган.

Кўрсатилган муолажаларга қарамасдан вояга етмаган фуқаро шифохонада вафот этган. Иккинчи пиёда бош суягининг синиши оғир аҳволда жонлантириш бўлимида даволанмоқда.

Аввалроқ Фарғонада Spark дарахтга урилиши натижасида ҳайдовчи ва йўловчи вафот этгани, Самарқандда туркиялик ҳайдовчи уриб юборган маст пиёда ҳалок бўлгани ҳамда Фарғонада Damas’ни рухсатсиз ҳайдаган 11 ёшли бола 2 яшар қизнинг ўлимига сабабчи бўлгани ҳақида хабар беран эдик.