ФИФА The Best совринини топшириш маросимидан воз кечмади, дея хабар қилмоқда Globo Esporte.
Таъкидланишича, ФИФА коронавирус пандемиясига қарамай совринни топширишга қарор қилган, бироқ маросимнинг қачон ўтказилиши ҳақида ҳали бир тўхтамга келинмаган. Овоз бериш жараёнлари 25 ноябрдан 9 декабрга қадар ўтказилади.
Соврин 2019/20 йилги мавсум якунлари бўйича йилнинг энг яхши эркак ва аёл футболчиси, шунингдек, энг яхши мураббийларга топширилади.
Эслатиб ўтамиз, аввалроқ France Football коронавирус сабаб «Олтин тўп» соврини 2020 йилда топширилмаслигини маълум қилганди. Шунингдек, ФИФА ҳам пандемия туфайли The Best совринини топширмаслиги хабар қилинганди.
Маълумот учун, одатда ФИФАнинг ушбу маросими янги мавсум олдидан, яъни эрта кузда бўлиб ўтади.
Мавзуга доир:
- «Барселона» «Олтин тўп» бекор қилингани ҳақида: «Энг яхши футболчи ким эканини ҳамма билади»
- Роберт Левандовскига «Олтин тўп» соврини топширилди. Фақат у легодан ясалган (фото)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)