Ўтган бир ҳафта ичида (8 ноябрдан 15 ноябргача) дунё бўйича 3,99 миллион киши коронавирусга чалинган, деб ёзади «Коммерсантъ» Жаҳон соғлиқни сақлаш ташкилотига таяниб. Бу пандемия бошидан буён қайд этилган энг юқори кўрсаткичдир. Шунингдек, рекорд даражада кўп — 60 мингдан ортиқ бемор вафот этган.
Бир ҳафта ичида энг кўп касалланиш ҳолатлари қайд этилган минтақалар қуйидагича:
- Европа — 1,85 миллион (-9%);
- Шимолий ва Жанубий Америка — 1,45 миллион (+41%);
- Жануби-шарқий Осиё — 374 минг (-4%).
Дунёда коронавирусга чалинганларнинг жами сони 15 ноябрь ҳолатига кўра, 53,7 миллион кишига етган. Пандемия бошидан буён касалликдан 1,3 миллион киши вафот этган.
Касалланганлар сони бўйича ҳафталик рекордлар октябрь охиридан буён бир неча марта кузатилди. Хусусан, 26 октябрдан 1 ноябргача 3,3 миллион, 2 ноябрдан 8 ноябргача 3,6 миллиондан ортиқ кишида COVID-19 аниқланган эди.
15 ноябрь куни бир суткада COVID-19’га чалиниш бўйича кетма-кет 2-кун рекорд қайд этилгани хабар берилган эди.
Изоҳ (0)