Самарқанд вилоятига янги прокурор тайинланиши ортидан вилоят прокуратураси биносини ўраб турган темир панжаралар олиб ташланмоқда. Бу ҳақда вилоят прокуратураси ахборот хизмати маълумотига асосланиб, «Дарё» мухбири Фарҳод Норбўтаев хабар берди.
Фото: Самарқанд вилоят прокуратураси
Таъкидланишича, янги прокурор прокуратура ва халқ ўртасида ҳеч қандай тўсиқ бўлмаслиги керак, деган қараш тарафдори.
Фото: Самарқанд вилоят прокуратураси
Айни кунга қадар Сирдарё вилояти прокурори сифатида ишлаб келган Равшан Машарипов 2020 йил 10 ноябрь куни Самарқанд вилоятининг янги прокурори сифатида таништирилганди.
Фото: Самарқанд вилоят прокуратураси
Эслатиб ўтамиз, аввалроқ Самарқанд вилоят ва шаҳар ҳокимлиги атрофини ўраб турган темир панжаралар ҳам олиб ташланган эди.
Фото: Самарқанд вилоят прокуратураси
