Тошкент шаҳар Олмазор туманида бир аёлдан унинг ярим яланғоч ҳолда рақсга тушгани акс этган видеони интернетда тарқатмаслик ва аёлнинг қариндошларига кўрсатмаслик эвазига 50 минг доллар талаб қилган эркак ушланди. Бу ҳақда «Дарё»га Бош прокуратура томонидан хабар берилди.
Маълум қилинишича, фуқаро Б.С. (эркак) фуқаро А.Г.нинг (аёл) ярим яланғоч ҳолда рақсга тушгани акс этган видеолавҳани интернет сайтлари орқали тарқатиш ва унинг оила аъзоларига кўрсатиб, шарманда қилиш ҳақида таҳдид қилган. Бу ишларни қилмаслик эвазига эркак аёлдан 50 минг доллар беришни талаб қилган.
Бош прокуратура ҳузуридаги Иқтисодий жиноятларга қарши кураш департаментининг Олмазор туман бўлими ва Тошкент шаҳар ИИББ томонидан ўтказилган тезкор тадбирда эркак 6500 долларни олган вақтида ашёвий далил билан ушланган.
Мазкур ҳолат юзасидан Б.С.га нисбатан Жиноят кодексининг 165-моддаси 3-қисми (жуда кўп миқдорда содир этилган товламачилик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Наманганда фуқаронинг ўзга билан жанжаллашгани акс этган видеосини интернетда тарқатмаслик эвазига ундан 100 доллар талаб қилган шахс ушланди
- Сергелида 31 ёшли эркакни шахсий видеоларини тарқатиш билан «шантаж» қилмоқчи бўлган аёл қўлга олинди
- Бухорода аёл танишининг шахсий фотосуратларини тарқатиш билан қўрқитиб, ундан 1000 доллар талаб қилган шахс ушланди
- Самарқандда 43 ёшли танишининг суратларини интернетга тарқатиш билан қўрқитиб, 2200 доллар талаб қилган аёл ушланди
Изоҳ (0)