Сингапурнинг Breathonix компанияси олимлари COVID-19 билан касалланишни аниқлайдиган аппаратни тақдим этди. Аппарат тест натижасини бир дақиқа ичида кўрсатади. Бу ҳақда «Korrespondent.net» хабар берди.
Маълум қилинишича, аппарат пуфланувчи трубка шаклида бўлиб, унинг бир марталик ўрнатиладиган учидан пуфлаш керак бўлади.
Қайд этилишича, 180 нафар кўнгилли иштирок этган синов натижаларига кўра, яратилган аппарат коронавирус ташхисини 90 фоиз аниқлик билан қўйган. Бунда аппарат ПЗР тестларига қараганда 70 фоиз арзон туради.
Аппаратни яратганлар ўз ихтироси учун 2021 йилнинг бошида тегишли органлардан рухсат олишга умид қилмоқда.
Сингапурлик олимлар коронавирус бор ёки йўқлигини нафас орқали бир неча дақиқада аниқлаб берадиган тест яратгани ҳақида аввалроқ хабар берилганди.
Изоҳ (0)