Олимлар коронавируснинг янги турини аниқлади ва уни 20A.EU1 деб атади. Вируснинг бу тури айни пайтда Европа мамлакатларида кенг тарқалмоқда. Бу ҳақда Швейцария ва Испания олимлари томонидан ўтказилган тадқиқот натижаларига асосланиб, «Korrespondent.net» хабар берди.
Олимларнинг аниқлашича, Европадаги пандемиянинг иккинчи тўлқини коронавируснинг Испания қишлоқ хўжалиги ходимларидаги мутацияси билан боғлиқ бўлиши мумкин. 2020 йилнинг ёзидан буён вируснинг бу тури Ғарбий Европанинг катта қисмига тарқалган ва ҳозирги кунда COVID-19 билан касалланиш ҳолатларининг аксарияти айнан шу вируснинг ҳиссасига тўғри келмоқда.
Мутацияга учраган коронавирус 20A.EU1 номини олган, унинг тарқалишидаги асосий ролни эса Испанияда таътил ўтказиб қайтган одамлар ўйнаган. Базел университети генетиги ва тадқиқот ҳақидаги мақола муаллифи Эмма Ходкрофтнинг фикрича, 20A.EU1’нинг тез тарқалиши карантин чекловлари пандемияни тўхтатиш учун етарли бўлмаганини кўрсатмоқда.
Олимнинг қайд этишича, 20A.EU1 мутацияси SARS-Cов-2 вируснинг шу пайтгача маълум бўлган ҳеч бир турига ўхшамайди. Бундан ташқари, мақолада айтилишича, бунга қадар коронавируснинг Д614Г штамми пайдо бўлишига олиб келган мутация маълум бўлган. Олимларнинг ишонч билдиришича, бу штамм вирусни янада зарарли қилган.
Мавзуга доир:
- Индонезия олимлари коронавируснинг мутацияга учраган штаммини аниқлади
- Хитойлик олимлар коронавируснинг оғирроқ шакли борлигидан огоҳлантирди
- Исландияда бемор коронавируснинг бир йўла иккита штаммини юқтириб олди
- Ўзбекистонда коронавирусдан тузалган беморларга унинг бошқа турларидан ҳимояланиш тавсия этилди
Изоҳ (0)