Американинг Apple корпорацияси томонидан тақдим этилган янги iPhone 12 Pro мустаҳкамлик тестидан ўта олмади, iPhone 12 эса экспертларни ҳайратда қолдирди. Тест жараёни ўтказилган видеони Allstate суғурта компанияси ўзларининг YouTube’даги каналига жойлаштиган.
Октябрь ойи бошларида тақдим этилган янги iPhone 12 ва 12 Prо икки метрга яқин баландликдан ташланган. Девайслар дисплейи, орқа қисми ва ён томони билан бир неча бор ерга тушган.
Тест натижалари ҳайратланарли эмас. iPhone 12 Prо текширувлар давомида камроқ бардошли бўлиб чиққан.
Экспертлар хулосасига кўра, iPhone 12 Allstate экспертларининг тест учун қўлига тушган барча смартфонлар орасидаги энг мустаҳкам қурилма деб топилган. iPhone 12 Prо’нинг мустаҳкамлиги эса мутахассисларни шубҳа остида қолдирган.
Экспертлар Apple’нинг янги смартфонларини ғилофда фойдаланишни тавсия этади.
Аввалроқ iPhone 12 смартфони сувда чўкмаслик бўйича синовдан ўтказилиб, унинг натижалари iPhone 11’ники билан таққосланган эди.
Изоҳ (0)