Соч ранги, узунлиги ва турмагининг нотўғри танланиши инсон қиёфасига тамоман бошқача тус бериши ёки ёшига нисбатан катта кўринишига сабаб бўлиши мумкин.
Ҳаддан ортиқ узун сочлар
Сочнинг куракдан узун туриши 40 ёшдан катта аёлларда чиройли кўринмайди. Пантене бренди стилисти бундай кўринишни 1661 деб атайди: узун сочли аёл орқа тарафдан 16 яшар кўринади, юзидан эса нафақа ёшдаги аёл эканлиги билинади. Сан-Диэголик стилист Jet Райс ўмровгача бўлган узунлик идеал эканини билдиради.
Ҳаддан ортиқ калта соч
Қандай узунликдаги сочни жуда ҳам калта деб ҳисобланиши бўйича аниқ қоида йўқ, аммо индивидуал юз пропорциясига эътибор бериш керак. Агар ёноқларингиз осилиб қолган бўлса, «боб» ёки ияккача бўлган узунликда кестиринг.
Бир неча йилдан бери ўзгармаган соч турмаги
Ўзгаришлардан чўчиманг. Бир неча йилдан бери соч турмагингиз ўзгармаган бўлса, ўзгартириш вақти келди. Бутун умр давомида бир либосда юрмагандек, сочни ҳам ўзгартириб туриш керак.
Соч рангининг тери рангига мос бўлмаслиги
Тери ранги йиллар ўтиши билан ўзгаргани сабаб 25 ёшингизда ярашган соч ранги 50 ёшда ярашмаслиги мумкин. Нью-Йоркда фаолият юритадиган калорист Бред Жонс сочга ранг танлашда болаликда қандай кўринишда бўлганингизни эсга олишни ва табиий ранг қандай бўлса, шунга бўяшни тавсия қилади.
Чёлка кесмаслик
Чёлка пешонадаги ажинларни ёпишга ёрдам беради, лекин у ҳаммага ҳам ярашавермайди. Теккис кесилган чёлка терининг қариш аломатларига урғу бериши мумкин, деб ҳисоблайди Ауссиэ Ҳаирcаре бренди стилисти Сара Потемпа. Эътиборингизни бошқа соч турмаклари билан ҳам ярашадиган узунроқ ва учлари теккис бўлмаган чёлкага қаратинг.
Оқарган сочлар
Сочни бўяшдан воз кечиб, оқ сочларни ўстиришга қарор қилган бўлсангиз, сизга бундай образ ярашиши ёки йўқлигини ўйлаб кўринг. Ўстириш учун 75 фоиз соч оқарган бўлиши керак. Йўқса, бундай номутаносиблик кўзга хунук кўринади.
Соч косметикасини ҳеч ҳам ўзгартирмаслик
Ёш ўтгани сари соч структураси ўзгаради — қуруқ ва дағал бўлади ҳамда шунга мувофиқ косметик восита танлаш керак бўлади. Шу сабаб намлантирувчи воситалардан фойдаланиш тавсия қилинади. Эксперимент қилишдан қўрқманг. Таркибида соч учун фойдали бўлган ва уни янада жилокор кўрсатадиган воситалардан фойдаланинг.
Ҳажм етишмаслиги
Соч турмаги ҳажмлироқ кўриниши учун узунлиги бўйингача ёки ундан ҳам калтароқ бўлган «каскад» услубидаги соч турмагини танланг. Ҳажм берадиган воситалардан фойдаланинг. Фен билан қуритиш давомида тароқ билан юқорига қараб ҳаракатлантиринг. Ҳажмли кўрсатишнинг яна бир усули сочни тўқроқ ва очроқ рангларга «колорирование» қилиш ҳисобланади.
Изоҳ (0)