Ўзбекистонда долларнинг расмий курси июль ойидан буён илк бор пасайди

Марказий банк 27 октябрдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 11,88 сўмга тушиб, 10 359,88 сўмни ташкил қилди. Евро 132,15 сўмга кўтарилиб, 12 285,78 сўм бўлди.

Бу доллар расмий курсининг 12 ҳафталик кўтарилишдан сўнг илк бор пасайиши.  Охирги марта у 27 июлда пасайиб, 10 207,69 сўмни ташкил қилганди. Октябрь ойи ўрталарида Марказий банк сўмнинг кескин қадрсизланиши эҳтимоллигини паст деб баҳолаганди.