Футбол бўйича Европа Чемпионлар Лигасининг 1-туридан ўрин олган 21 октябрь, чоршанба кунги баҳслар якунланди.
А гуруҳи фаворитлари «Бавария» ва «Атлетико» Мюнхенда ўзаро баҳсга киришди. Учрашувнинг 28-дақиқасида Кингсли Коман мюнхенликларни олдинга олиб чиққан бўлса, 41-дақиқада Команнинг узатмасидан кейин Леон Горетцка жамоасининг иккинчи голини урди.
Иккинчи бўлимда мезбонлар яна иккита тўп киритишга эришди. 66-дақиқада Корентин Толиссо узоқ масофадан кучли зарба йўллаб, Ян Облакни доғда қолдирган бўлса, 72-дақиқада Коман дубль этиб, жамоасининг тўртинчи голини урди.
Гуруҳнинг иккинчи ўйини «Зальцбург» ва «Локомотив» жамоалари ўртасида кечди ва 2:2 ҳисобидаги жанговар дуранг билан тугади.
«Интер» ўз уйида Мюнхенгладбахнинг «Боруссия»сини қабул қилди. Учрашувнинг биринчи бўлимида дарвозалар дахлсиз қолди. Иккинчи бўлим дебютида Ромелу Лукаку миланликларни ҳисобда олдинга олиб чиқди. 63-дақиқада Рами Бенсебайни пенальтини аниқ ижро этган ҳолда мувозанатни тиклади.
Ўйин якунланиши арафасида Йонас Ҳофманн миланликлар дарвозабони билан бирга бир вазиятга чиқиб борди ва ҳисобни оширди. Бироқ Лукаку 90-дақиқадаги гол орқали «Интер»ни мағлубиятдан қутқариб қолди.
Б гуруҳининг яна бир ўйини аввалроқ ўтказилди ва унда «Реал» кутилмаганда «Шахтёр»га ютқазиб қўйганди.
ЕЧЛ
1-тур баҳслари
21 октябрь, чоршанба
А гуруҳи
«Бавария» Германия — «Атлетико» Испания 4:0
Голлар: 1:0 – 28 Коман, 2:0 – 41 Горетцка, 3:0 – 66 Толиссо, 4:0 – 72 Коман.«Бавария»: Нойер, Зюле, Люка Эрнандес, Павар (Сарр, 73), Алаба, Киммих, Горетцка (Хави Мартинес, 83), Мюллер (Дэвис, 83), Толиссо, Коман (Дуглас Коста, 73), Левандовски (Шупо-Мотинг, 83).
«Атлетико»: Облак, Савич, Фелипе, Триппьер, Лоди, Карраско (Витоло, 76), Коке (Торрейра, 79), Льоренте (Лемар, 79), Эррера, Жоау Феликс, Суарес (Корреа, 76).
Огоҳлантиришлар: Алаба (5), Мюллер (21), Лоди (43), Коке (44), Эррера (45), Торрейра (90).
«Зальцбург» Австрия — «Локомотив М» Россия 2:2
Голлар: 0:1 – 19 Эдер, 1:1 – 45 Собослаи, 2:1 – 50 Юнузович, 2:2 – 75 Lisaкович.В гуруҳи
«Интер» Италия — «Боруссия М» Германия 2:2
Голлар: 1:0 – 49 Лукаку, 1:1 – 63, пенальти Бенсебайни, 1:2 – 84 Хофманн, 2:2 – 90 Лукаку.«Интер»: Ҳанданович, Д`Амброзио, де Врей, Коларов, Дармиан, Перишич (Бастони, 79), Видаль, Эриксен (Брозович, 79), Барелла, Санчес (Мартинес, 46), Лукаку.
«Боруссия М»: Зоммер, Гинтер, Эльведи, Лайнер, Бенсебайни, Крамер, Ҳофманн, Нойхаус, Плеа (Штиндль, 90), Тюрам, Эмболо (Ҳеррманн, 75).
Огоҳлантиришлар: Д`Амброзио (17), де Врей (65), Крамер (68), Ҳанданович (82).
«Реал Мадрид» Испания — «Шахтёр» Украина 2:3
Голлар: 0:1 – 29 Тете, 0:2 – 33, автогол Варан, 0:3 – 42 Соломон, 1:3 – 54 Модрич, 2:3 – 59 Винисиус Жуниор.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)