Малайзияда тўйи олдидан липосакция учун (танадаги ёғлар жарроҳлик йўли билан олиб ташланадиган косметик операция) гўзаллик салонига борган келин вафот этди, деб хабар беради The Straits Times.
23 ёшли Сяо Чжисин тантанали маросимга тайёргарлик кўрган ва ўзини яхши кўринишга келтиришни хоҳлаган. Интернет орқали у Черас шаҳридаги косметика салонини топиб, қўлидаги ортиқча ёғлардан халос бўлиш операциясига ёзилиб қўйган. Ушбу операция 600 доллар атрофида турган.
17 октябрь куни Чжисин дугонаси билан ушбу хизматдан фойдаланиш учун келган. Мижозга шу заҳоти анестезия юборишган. Орадан ярим соат ўтгач у ўзини ёмон ҳис қила бошлаган, яна бир соатдан кейин эса қизнинг юраги уришдан тўхтаб қолган. Қиз зудлик билан касалхонага етказилган, бироқ бу ёрдам бермаган.
Гўзаллик салони бошқарувчиси сўроқ қилинганида уларда бу каби тиббий хизматларни бажариш учун лицензия йўқлигини тан олган. Аниқланишича, ушбу салоннинг фақатгина оддий косметик хизматларни кўрсатишга рухсати бўлган.
Гўзаллик салонининг икки эгаси — аёл ва унинг қизи Чжисиннинг ўлимини тергов қилиш жараёнлари учун қўлга олинган. Полиция маълумотларига кўра, қизнинг ўлимига нима сабаб бўлгани аниқ эмас.
Мавзуга доир: Бахтсиз ҳодиса туфайли чиройини йўқотиб, қалб гўзаллиги билан бахт топган қизлар ҳикояси (фото)
Изоҳ (0)