Енгил вазн тоифасида UFC чемпиони Ҳабиб Нурмагомедовнинг мураббийи Хавьер Мендес шогирдининг ўтмишдаги рақиби Конор Макгрегорни ҳозирги рақиб Жастин Гэтжи билан солиштирди.
«Ўйлашимча, агар Гэтжини курашга олиб ўта олсак, у Конор Макгрегордан хавфли бўлмайди. Конор — кучлироқ зарбачи, гарчи Гэтжида бу хусусият жойида бўлса ҳам. Бироқ Гэтжи — жуда ва жуда жиддий рақиб, уни ерга ётқизишнинг ўзи бўлмайди. Тўғри, Ҳабиб партерга ололмаган жангчини ҳали кўрмаганман. Аммо нима бўлган тақдирда ҳам Ҳабиб яна ва яна партерга олиш учун ҳаракат қилади, Гэтжи эса бундан кейин жуда толиқади.
Гэтжи курашда ўзини ўта қулай ҳис қилмайди. Ҳабиб эса унда ўзини ўз уйидагидек ҳис қилади. Шундай экан, агар, Гэтжи ерга тушиб қолса, унда жуда жиддий муаммолар пайдо бўлади», — дейди Мендес.
Эслатиб ўтамиз, Ҳабиб ва Жастин ўртасидаги жанг UFC 254 мусобақаси доирасида 24 октябрь куни БААдаги «Жангчилар ороли»да бўлиб ўтади.
Изоҳ (0)