Нафақат Туркияда, балки бошқа давлатларда ҳам машҳурликка эришган актёр Энгин Акюрекнинг туғилган куни бутун дунё мухлислари томонидан бир вақтнинг ўзида нишонланди. 2020 йилнинг 12 октябрь куни Аргентина, Эрон, Испания, Малайзия ва бошқа кўплаб мамлакатлардаги мухлислар Акюрекнинг таваллуд айёмини байрамона тарзда ўтказди.
Энгин Акюрекнинг мухлислари худди ўтган йилги каби севимли актёрга совға сифатида ЮНИСЕФга хайрия пули ўтказди. Ушбу туғилган кунда ўтказилган хайрия маблағи коронавирус пандемияси билан зарарланган болаларга ёрдам бериш учун сарфланади.
Актёр Муғладаги «Элчининг қизи» сериалининг суратга олиш майдончасида ЮНИСЕФ сертификатини қабул қилиб олди, шунингдек, мухлислари ва ижодий гуруҳ билан биргаликда байрам тортини баҳам кўрди.
Актёр Акюрек туғилган кунида сериал жамоаси даврасида дунё бўйлаб мухлисларига қуйидаги сўзлар билан миннатдорлик билдирди:
«Мен ҳар доим уларнинг муҳаббати ва қўллаб-қувватлашини катта бахт каби ҳис қиламан ва ушбу қадрли инсонларнинг ҳар бирига миннатдорлик билдираман, уларга ўз севгимни йўллайман. Туғилган кунимни нишонлаш учун ҳар йили бу каби мазмунли ва қимматли хайрия аскияларининг ўтказилиши уларнинг ҳар бири қанчалар бебаҳо инсон эканидан далолат».
Изоҳ (0)