Камчаткадаги экологик инқироз охирги кунларда энг кўп муҳокама қилинаётган мавзулардан бирига айланган. Ижтимоий тармоқларда Тинч океани соҳилларига чиқиб қолган денгиз жониворлари мурдаларининг суратлари кенг муҳокама қилинмоқда. «Коммерсантъ»нинг ёзишича, вазият ҳудуд маъмурияти, Россия бош прокуратураси ҳамда мамлакат Тергов қўмитаси томонидан назоратга олинган.
«Гринпис России»нинг маълум қилишича, катта экологик ифлосланиш кузатилган ва унинг қамрови ҳали ҳам аниқлангани йўқ. Маҳаллий аҳоли ушбу зарарланишга ҳарбий ўқув машғулотлари ёки шу яқин атрофдаги ҳарбий полигон сабаб бўлган, деб ҳисобламоқда.Фото: «РИА Новости»
Денгиз ҳайвонларининг оммавий равишда ҳалок бўлиши Куриль оролларида ҳам кузатилган. Соҳилга кўплаб денгиз жониворлари чиқиб қолган.Фото: Instagram / vv_solodov
Камчатка ўлкаси губернатори Владимир Солодов сувнинг ифлосланганини яширган ёки бу борадаги вазиятга парво қилмаган амалдорларга чора кўрмоқчи.Фото: Instagram / vv_solodov
Мутахассислар сувдан намуналар олган. Нефть маҳсулотининг меъёри 3,6 бараварга ошиб кетгани ва фенол миқдори ҳам 2,5 бараварга кўпайгани аниқланган.Фото: «ТАСС»
4 октябрда Тинч океанининг Камчатка соҳили яқинидан олинган сув, тупроқ ва ҳалок бўлган ҳайвон ҳамда моллюскаларнинг танасидан олинган намуналар Москвага юборилган. Юк Россия токсикология, кимё ва биология марказларига топширилади.Фото: «РИА Новости»
Камчатка маъмурияти кимёвий тадқиқотлар натижалари яқин вақт ичида эълон қилинишини маълум қилган. Тергов қўмитаси денгиз ҳайвонларининг оммавий равишда нобуд бўлгани юзасидан текшириш ўтказишни бошлаган.Фото: Instagram / _svetlana_radionovna_
Сунъий йўлдошдан олинган суратларга кўра заҳарли моддалар океанга дарё орқали келган ва дастлабки оқим 9 сентябрда кузатилган.Фото: Instagram / yola_la
Камчатка қирғоқлари яқинидаги сув жуда ёмон ифлосланган.Фото: Истаграм / lefffu
Изоҳ (0)