2020 йилнинг 29 сентябрь куни Тожикистонда Artel Avesto Electronics қўшма корхонасининг тантанали очилиш маросими бўлиб ўтди.Маросимда Ўзбекистон Республикаси бош вазири Абдулла Орипов, Тожикистон Республикаси бош вазири Қоҳир Расулзода, Мажлиси милли Мажлиси Оли раиси, Душанбе шаҳри мери Рустам Эмомали қатнашди.
Электротехника ускуналарини ишлаб чиқариш соҳасида халқаро ҳамкорлик янги чўққиларни забт этмоқда. Душанбе шаҳрида ташкил этилган Artel Avesto Electronics қўшма корхонаси эса бунинг ёрқин мисолидир. Бугунги кунда ушбу корхонада чангютгичлар ва электр сув иситгичларининг бир нечта моделлари ишлаб чиқарилмоқда. 2021 йилда иккинчи босқичга ўтиш ва телевизорлар, ҳамда кир ювиш машиналарини ишлаб чиқаришни йўлга қўйиш кўзда тутилган.
Янги корхонанинг ҳатто биринчи босқичдаги йиллик ишлаб чиқариш қуввати ҳар кимни ҳайратга солиши мумкин – 60 000 дона сув иситгич ва 50 000 дона чангютгич. Завод майдони эса 6000 кв/м ташкил этади Алоҳида айтиш лозимки янги заводда ҳозирнинг ўзида 140 дан ортиқ янги иш ўринлари ташкил этилган. Иккинчи босқичда эса иш ўринлари янада кўпайтирилади.
Янги Artel заводида COMI, ULVAC, Inficon каби халқаро таниқли корхоналарга тегишли ишлаб чиқариш ускуналари ўрнатилган. Заводда қўлланилган замонавий технологиялар туфайли барча ишлаб чиқариш жараёнлари тўлиқ автоматизациялаштирилган. Бундан ташқари янги заводда кўп босқичли сифат назорати мавжуд, маҳсулотлар эса ҳар босқичда синчковлик билан текширилади.
Алоҳида айтиш жоизки, Artel маҳсулотлари Тожикистонда ҳам кафолат муддатига эга. Эндиликда барча Тожикистонлик истеъмолчилар 3 йиллик кафолат муддати давомида қуйидаги сервис хизматларидан фойдаланишлари мумкин:
- мутлақ бепул сервис хизмати;
- маҳсулотни бепул таъмирлаш хизмати;
- эҳтиёт қисмларни бепул алмаштириш.
Халқаро қўшма корхона ташкил этилиши нафақат Artel компанияси ёки давлат иқтисодиёти ривожланишига, балки аҳоли ҳаёти даражаси кўтарилишига ҳам ҳисса қўшади. Мисол қилиб айтганда янги Artel заводи қуйидаги имкониятларни тақдим этади: Тожикистон бозорларига маҳсулот етказиб беришда харажатларни пасайтириш, янги иш ўринларини яратиш, чет эллик ҳамкасблар билан тажриба алмашиш ва шу тажриба асосида янада сифатли ва функсионал маҳсулот яратиш.
Буларни ҳисобга олган ҳолда бугуннинг ўзида Artel компаниясини рақобатга бемалол дош бера оладиган халқаро корхона деб атаса, ҳеч муболаға бўлмайди.
Facebook: https://www.facebook.com/artel...Instagram: https://www.instagram.com/arte...Телефон рақами: + 998 (78) 148 88 88Сайт: https://artelgroup.org/
Реклама ҳуқуқи асосида
Изоҳ (0)