«Ростов» жамоаси ҳужумчи Элдор Шомуродовни «Женоа»га сотишга рози бўлди.
«Спорт-Экспресс»нинг хабар қилишича, келишув бонуслар билан бирга 9 миллион еврога баҳоланган. Бундан ташқари, «Ростов» футболчининг кейинги трансферидан 15% улушга эга бўлади.
Аввалроқ Sport Italia журналисти Жанлуижи Лонгари генуяликлар клуби Ўзбекистон терма жамоаси ҳужумчисини қўлга киритишга яқин тургани хабар қилинганди.
Маълумот учун, Элдор ростовликлар сафида 2017 йилдан бери тўп тепиб келади. Мазкур вақт мобайнида у 91 ўйинда майдонга тушиб, 18 та гол урди ва 12 та голли узатма амалга оширди. Унинг «Ростов» билан амалдаги шартномаси 2024 йилгача мўлжалланган.
25 ёшли футболчи «Машъал» академияси тарбияланувчиси ҳисобланиб, «Ростов»дан аввал «Бунёдкор» сафида ҳаракат қилган.
Мавзуга доир: Элдор Шомуродов ниҳоят гол урди. У 208 кунлик қуруқ серияга Европа Лигасида нуқта қўйди (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)