Арманистон Озарбайжоннинг босиб олинган ҳудудларидан чиқиб кетиши керак, деди Туркия президенти Ражаб Тоййиб Эрдўғон Қорабоғ можаросининг кескинлашувига изоҳ бераркан. Бу ҳақда Hurriyet’га таяниб, «Meduza» хабар қилди.
«Мен кеча Озарбайжон ҳудудига ҳужум қилган Арманистонни қоралайман. Тоғли Қорабоғни босиб олиш билан бошланган инқирозга барҳам бериш керак», – деди Туркия раҳбари.
Арманистон Ташқи ишлар вазирлиги 28 сентябрь куни Туркия ҳарбийлари Озарбайжон томонидаги Тоғли Қорабоғдаги жангларда бевосита иштирок этишларини маълум қилди. Арманистоннинг Россиядаги элчиси Вардан Тоғаняннинг сўзларига кўра, Туркия Суриядан ҳарбийларни минтақага юбормоқда.
Эрдўғон 27 сентябрь куни Озарбайжон президенти Илҳом Алиевга қўнғироқ қилиб, Туркия ҳар доимгидек бугун ҳам Озарбайжоннинг ёнида эканини айтган.
Мавзуга доир:
- Тоғли Қорабоғда яна жанг. Озарбайжон бир неча қишлоқ босиб олинганини маълум қилди, Арманистон эса ҳарбий ҳолат ва умуммиллий сафарбарлик эълон қилди
- Арманистон бош вазири жаҳон ҳамжамиятидан Туркиянинг Қорабоғ ишига аралашувига йўл қўймасликни сўради
- Арманистон ва Озарбайжон Қорабоғда юзлаб ҳарбийлар ҳалок бўлганини маълум қилди. Жанглар қайтадан бошланди
- Видео: Тоғли Қорабоғдаги жанговар ҳаракатлар
Изоҳ (0)