Туркия ҳарбий кучлари Озарбайжон томонидаги Тоғли Қорабоғдаги жангларда бевосита иштирок этмоқда. Ушбу баёнот билан 28 сентябрь куни эрталаб Арманистон Ташқи ишлар вазирлиги баёнот берди, деб хабар бермоқда «Meduza».
Туркиянинг фаолияти тўғридан-тўғри жанг майдонида бўлиши билан ажралиб туради. Турк қуроллари, шу жумладан, учувчисиз самолётлар ва ҳарбий самолётлардан фойдаланадиган туркиялик ҳарбий мутахассислар озарбайжонликлар билан бирга жанг қилмоқда. Таъкидланишича, ишончли манбаларга кўра, Туркия Озарбайжонга чет эллик террорчиларни ёлламоқда ва жойлаштирмоқда.
Арманистоннинг Россиядаги элчиси Вардан Тоғанян, ўз навбатида, «Москва акс-садоси» эфирида Туркия Суриядан зиддиятли ҳудудга ҳарбий кучларни ёллаётгани айтди.
Мавзуга доир: Ўзбекистон ТИВ Озарбайжон ҳамда Арманистон ўртасидаги вазият кескинлашувига муносабат билдирди
Тоғли Қорабоғда Арманистон ва Озарбайжон ўртасидаги ҳарбий ҳаракатлар 27 сентябрда қайта тикланди. Ҳар икки мамлакатда ҳам ҳарбий ҳолат эълон қилинди ва сафарбарлик бошланди. Иккала томон ҳам бир-бирларини тажовузда айбламоқда ва ўзларининг муваффақиятли жавоб ҳаракатлари ҳақида хабар бериб бормоқда.
Аввалроқ, Туркия ҳукумати Озарбайжонни «тўлиқ қўллаб-қувватлашини» билдирди ва можаронинг авж олишида Арманистонни айблади.
Изоҳ (0)