Ўзбекистонда 2020/2021-ўқув йили учун ОТМларининг бакалавриат таълим йўналишларига кириш тест синовларининг натижалари 25 сентябрь куни 15:00 да ДТМнинг расмий веб-сайтида эълон қилинади, дея хабар бермоқда марказ ахборот хизмати.
Абитуриентлар талаба бўлгани ҳақида қуйидаги 3 усул орқали билиб олиши мумкин:
Абитуриентнинг шахсий кабинети орқали:
Давлат тест марказининг расмий веб-сайтида ҳар бир абитуриент учун шахсий кабинет яратилган бўлиб, абитуриентлар биринчи усулда abitur.dtm.uz сайтидаги шахсий кабинетига кириш орқали танлов натижаларини билиш мумкин.
SMS хабарнома хизмати орқали:
Абитуриентлар танлов натижаларини 5100 рақамига абитуриент ID рақамини юборган ҳолда билишлари мумкин. Бунда SMS юборилган телефон рақамига танлов натижалари бўйича SMS-хабарнома юборилади (хизмат ҳақи мавжуд)
Тест натижалари қайдномаси орқали:
Шунингдек, тест натижалари қайдномаси олий таълим муассасаларига тақдим этилади.
24 сентябрь куни Давлат тест маркази барча абитуриентларнинг тест синовида тўплаган натижалари бўйича ишлар якунига етганини маълум қилганди.
Изоҳ (0)