АҚШ Олий судининг энг кекса аъзоси Рут Бейдер Гинзбург 87 ёшида саратон касаллиги туфайли оламдан ўтди. У аёллар ҳуқуқларини ҳимоя қилувчи фаол сифатида танилган эди, деб хабар беради BBC.
Гинзбург АҚШ тарихида Олий суд судьяси лавозимига тайинланган иккинчи аёл ҳисобланади. У мазкур лавозимни 1993 йилда — мамлакатга демократ Билл Клинтон президентлик қилган вақтда тайинланган.
Гарвардни тамомлаган Рут Бейдер Гинзбург 1972 йилда аёллар ҳуқуқини ҳимоя қилиш билан шуғулланувчи Women’s Right Project ташкилоти асосчиларидан бирига айланган. Ўшанда у Колумбия университети юридик мактабида биринчи аёл ўқитувчи бўлган.
20 йил ичида Гинзбург ўзининг юридик карьераси давомидаги энг юқори чўққига кўтарилган ва Олий суд судьясига айланган. Ушбу лавозимда у ирқчилик курашни ва аёллар ҳуқуқларини ҳимоя қилишни давом этган. Хусусан, у меҳнатга ҳақ тўлашда, таълимда аёллар ва эркакларга бир хил пул тўланишига эришган, шунингдек, аборт масаласида аёллар ҳуқуқини ҳимоя қилган.
Гинзбург президент Дональд Трамп сиёсатини қўллаб-қувватламаган ва ўлимдан олдин мамлакат президенти алмашмагунча ўз лавозимини тарк этишни истамаслигини билдирган.
АҚШда Олий суд суйдаси лавозими бутун умрга берилади. Ушбу лавозимга номзодни президент илгари сурати, Сенат эса тасдиқлайди.