Тошкент шаҳри Шайхонтоҳур туманидаги 59-сонли мактабда 17 сентябрдан бошлаб анъанавий ўқув жараёни коронавирус инфекцияси бўйича эпидемик вазият барқарор бўлгунга қадар вақтинчалик тўхтатилди. Бу ҳақда Тошкент шаҳар Халқ таълими бош бошқармаси хабар берди.

Маълум қилинишича, Тошкент шаҳридаги умумтаълим муассасаларида таълим жараёнларини босқичма-босқич бошлаш мақсадида 2020 йил 14 сентябрдан бошлаб 137 та мактаб ўз фаолиятини бошлаган.

Бошқарма хабарига кўра, 18 сентябрь ҳолатига Тошкент шаҳридаги 318 та умумтаълим муассасасидан қуйидаги 136 таси анъанавий тарзда фаолият кўрсатмоқда:

• Бектемир туманидаги 289-сонли мактаб;
• Миробод туманидаги 31, 56, 57, 60, 65, 94, 125, 147, 154, 158, 175, 213, 214, 218, 328-сонли мактаблар;
• Мирзо Улуғбек туманидаги 18, 27, 49, 50, 64, 121, 208, 209, 210, 221, 223, 241-сонли мактаблар ҳамда Филология фанларига ихтисослаштирилган давлат умумтаълим мактаби;
• Олмазор туманидаги 1, 11, 15, 16, 24, 29, 36, 46, 159, 165, 185, 224, 233, 234, 242, 243, 249, 261, 298, 326-сонли мактаблар ҳамда 106-мактаб-интернат;
• Сергели туманидаги 2, 55, 33, 266, 267, 269, 303-сонли мактаблар;
• Учтепа туманидаги 14, 38, 44, 81, 106, 107, 193, 194-сонли мактаблар;
• Чилонзор туманидаги 66, 90, 168, 184, 195а, 200, 202, 217, 280-сонли мактаблар;
• Шайхонтоҳур туманидаги 10, 19, 37, 39, 41, 34а, 82, 84, 85, 92, 113, 132, 136, 157, 180а, 169, 186, 254, 314, 316, 320, 324-сонли мактаблар;
• Юнусобод туманидаги 5, 9, 12, 17, 21, 43, 51, 58, 63, 70, 80, 96, 98, 246, 250, 257, 259, 260, 271, 272, 273, 288, 327-сонли мактаблар ҳамда Табиий фанларга ихтисослаштирилган давлат умумтаълим мактаби;
• Яккасарой туманидаги 25, 26, 48, 89, 118, 144, 172, 321-сонли мактаблар;
• Яшнобод туманидаги 30, 69, 151, 161, 166, 212, 227, 244-сонли мактаблар.

Тошкент шаҳридаги бошқа умумий ўрта таълим мактаблари санитар ва тиббий тайёргарлиги ҳолатидан келиб чиқиб, ўз фаолиятини анъанавий тарзда бошлагунга қадар онлайн тарзда, яъни «Онлайн-мактаб» лойиҳаси доирасидаги телевизион дарслар орқали дарс машғулотларини амалга оширади.

Эслатиб ўтамиз, Тошкент шаҳар Халқ таълими бош бошқармаси 14 сентябрдан бошлаб 139 та мактаб ўз фаолиятини анъанавий шаклда бошлагани тўғрисида хабар берганди. Дарслар бошланганидан бир кун ўтиб, яъни 15 сентябрь куни Шайхонтоҳур туманидаги 40, 262-сонли мактабларда анъанавий ўқув жараёни коронавирус инфекцияси бўйича эпидемик вазият барқарор бўлгунга қадар вақтинчалик тўхтатилганди.