Kia Motors компанияси Жанубий Кореядаги иккита конвейрини тўхтатишга мажбур бўлди. Бунга ходимлар орасида коронавируснинг кенг тарқалгани сабаб бўлган, деб ёзади Motor.
Иккала завод ҳам Сеул жанубидаги Кванмён шаҳарчасида жойлашган. Заводларда жами 8 кишида коронавирус аниқланган — улар конвейрнинг йиғиш қисмида ишлаган. 16 сентябрь куни кечаси заводлар ёпилган ва олти минг ходим ўз уйларига жўнатилган.
Корхоналар давлат карантин органлари вакиллари билан консультация ўтказганидан кейингина қайта очилиши мумкин. Ушбу заводлар қувватида K9 седанлари, Stinger фастбеки, Carnival минивени, Pride компактвени ва Stonic кроссоверлари ишлаб чиқарилади. Ишлаб чиқариш ҳажми йилига 320 минг автомобилга етади.
Kia Motor Жанубий Кореяда 8 та ва бошқа мамлакатларда 7 та фабрикага эга: учтаси Хитойда, АҚШ, Словакия, Мексика ва Ҳиндистонда биттадан. Компания йилига жами 3,84 миллион автомобиль йиғишга қодир.
Аввалроқ Жиззах эркин иқтисодиёт зонасидаги ADM-Jizzakh заводида ноябрь ойидан бошлаб энг янги моделлардан бўлган KIA Seltos ва KIA K5 автомобилларини йиғиш бошланиши тўғрисида хабар берилганди.
Изоҳ (0)