Ҳинд фильмларидаги ёвуз қаҳрамонларнинг соҳибжамол қизлари (фото)

Одатда ҳинд фильмларини салбий қаҳрамонларсиз тасаввур қилиб бўлмайди. Актёрлар фильмларда ҳамиша салбий образда намоён бўлган бўлса-да, ҳаётда уларнинг барчаси ҳам оқкўнгил, самимий инсонлардир. Қуйида актёрларнинг қизлари ҳам отасининг изидан бораётганига гувоҳ бўлиш мумкин.

Намрата Пури – Амриш Пурининг қизи

Амриш Пури нафақат ўз даврининг, балки ёш авлод хотирасида ҳам муҳрланиб қолган энг яхши салбий роллар ижрочилардан бири. Унинг мукаммал тарзда ижро этган салбий образлари ҳинд киноси тарихида абадий қолиши шубҳасиз. Актёрнинг қизи Намрата Пури либослар бўйича дизайнер.

Шрадха Капур – Шакти Капурнинг қизи

Шарддха Капур бугунги кундаги машҳур актрисалардан бири. Салбий ҳамда ижобий образлари орқали танилган актёр Шакти Капур ўз маҳоратини қизи Шарддхага мерос қилиб қолдирган.

Ахлам Хон – Амжад Хоннинг қизи

Амжад Хон «Қасос ва қонун» фильмидаги Габбар Сингх образи орқали барчанинг ёдида сақланиб қолган. Бундан ташқари, актёр яна бир қанча фильмларда салбий образларда намоён бўлган. Актёрнинг маҳоратли ва жуда гўзал Ахлам Хон исмли қизи бор. У киноларда ҳам роль ижро этиши мумкин эди, аммо актриса театр саҳнасини танлади ва спектаклларда роль ижро этмоқда.

Риту Шивпури – Ом Шивпурининг қизи

Ом Шивпури 200 га яқин фильмда фақатгина салбий образларда намоён бўлган. Унинг қизи Риту ҳам отасининг изидан юрди. Бир неча фильмларда ўз маҳоратини синаб кўраётган актриса айни дамда телевидения ва сериалларда роль ижро этмоқда.

Манжари ва Винати – Мак Моханнинг қизлари

Мак Мохан Болливуднинг энг машҳур актёрларидан бири. Кўпчилик уни «Қасос ва қонун» фильмидаги салбий характердаги қаҳрамон − Самбхи роли билан эслайди. Унинг икки гўзал қизлари – Манжари ва Винатини тез орада «Саҳро дельфини» фильмида кўриши мумкин.

Пема Дензонгпа – Дэнни Дензонгпанинг қизи

Пема – Болливуднинг афсонавий актёри, бир-биридан ажойиб образлар эгаси Дэнни Дензонгпининг қизи. Пема эътиборга тушишни хоҳламайди, шунинг учун ҳам у ҳақида маълумотлар бироз кам. Француз тилида равон сўзлаша оладиган Пема Лондон телекоммуникация коллежини тамомлаган ҳамда компьютер графикаси бўйича имтиёзли дипломга эга.

Дивянка Беди – Ранжитнинг қизи

Ўтган асрнинг 70−80 йилларида кўплаб салбий қаҳрамонлар ролини ижро этган маҳоратли актёр. Унинг қизи Дивянка Беди машҳур моделер.