Dailmer компанияси ёқилғи элементларида ҳараканатландиган Mercedes-Benz GenH2 — илк юк машина маркасини тақдим этди. Янги машина концепт кўринишида бўлиб, уни ишлаб чиқариш мазкур ўн йилликнинг ўрталаридан бошланиши кутилмоқда, деб хабар беради Motor.
Mercedes-Benz ўзининг янги машинасини оғир юк ташувчи сифатида тавсифлаган бўлиб, у узоқ масофага юкларни ташишга мўлжалланган. GenH2’нинг тўлиқ массаси 40 тоннани ташкил этади, юк сиғими эса — 25 тоннага тенг бўлиб, у анъанавий ички ёнув двигателларида ҳаракатланадиган Mercedes-Benz Actros юк машинасидан қолишмайди.
GenH2’ни иккита электромотор ҳаракатга келтиради, уларнинг ҳар бири 449 от кучига тенг бўлиб, айланувчи моментлари сони 2071 Нмга тенг.
Двигателлар 300 киловатт тизимли ёқилғи элементлари ва аккумулятор энергияси ёрдамида ишлайди. Батареялар «ёқилғи элементлари қувватини таъминлашга мўлжалланган: масалан, юк кўп ортилганида ёки тоғли йўлларда ҳаракатланганида».
Суюқ водород учун иккита резервуар кўзда тутилган бўлиб, уларнинг ҳар бири 40 килограммли. Бу каби ҳажм бир марта ёқилғи қуйиш орқали 1000 километр йўл босишга етади.
Аввалроқ Швецияда электр энергиясида ҳаракатланувчи Volta Zero юк машинаси тақдим этилгани тўғрисида хабар берилганди.
Изоҳ (0)