Ўзбекистонга хориждан йил бошидан бери 360,4 минг дона мобил телефон импорт қилинди

Ўзбекистонга 2020 йилнинг 1 сентябрь ҳолатига кўра, қиймати 23,3 миллион АҚШ долларига тенг бўлган 360,4 минг дона мобил телефонлари импорт қилинган, дея хабар бермоқда Давлат статистика қўмитаси.

Маълум қилинишича, 2019 йилнинг мос даврига нисбатан бу йил мобил телефон импортига 19,6 миллион АҚШ доллари кўп сарфланган.

Давлат статистика қўмитаси маълумотларига кўра, Ўзбекистон 18 та давлатдан мобил телефонлар импорт қилган. Импорт ҳажми юқори бўлган давлатлар орасида Хитой (14,9), Вьетнам (3,7), Ҳиндистон (2,8) ва 1,1 миллион АҚШ доллари билан Бирлашган Араб Амирликларини кўриш мумкин.

Маълумот учун, мамлакатда 2019 йилда 235 минг дона қиймати 31,7 миллиард сўмлик уяли ва бошқа симсиз алоқа тармоғи учун телефонлар ишлаб чиқарилган.