Ўзбекистон Марказий банкининг асосий ставкани 15 фоиздан 14 фоизга тушириш ҳақидаги қарори юзасидан ташкил этилган матбуот анжуманида ўтган 8 ой давомида мамлакатга амалга оширилган трансчегаравий пул ўтказмалари тўғрисида маълумот берилди.
Маълумотларга кўра, 2020 йилнинг 8 ойи давомида Ўзбекистонга трансчегаравий пул ўтказмалари ҳажми 3,7 миллиард долларни ташкил этган. Бу 2019 йилнинг мос даврига нисбатан 209 миллион долларга ёки 5,4 фоизга кам.
Пул ўтказмалари, айниқса, март—апрель ойларида сезиларли камайган, май ойида апрелга нисбатан икки баробарга ошган.
Шу билан бирга, пул ўтказмалари июнь ва август ойларида ўтган йилги кўрсаткичдан ошгани қайд этилган.
Аввалроқ Ўзбекистонда нақд пул тушумларининг ҳажми коронавирус эпидемиясидан аввалги даражасини тиклаётгани, август ўрталарида Ўзбекистонга хориждан юбориладиган пул жўнатмалари ҳажми камайгани тўғрисида хабар берилганди.
Мавзуга доир: Ўзбекистон ҳукумати инқироздан кейинги даврда иқтисодиётни икки босқичда тиклаш дастурини тасдиқлади
Изоҳ (0)