Bloomberg журналисти Марк Гурман Apple компанияси ўз ходимлари учун ишлаб чиқарган кўп марталик Face Mask ҳимоя ниқобининг сурати билан бўлишди.
Apple Face Mask — технологик гигант томонидан ўз ходимлари учун яратилган илк ниқоб ҳисобланади. Аввалроқ гаджетлар ишлаб чиқариш билан шуғулланувчи компания тиббиёт ходимларига ниқоб чиқариб, тиббиёт муассалари учун миллионта ниқоб тарқатганди.
Янги ниқоб устида iPhone ва iPad’ни яратиш билан шуғулланувчи саноат дизайни бўйича муҳандислар ва мутахассислар бўлинмаси иш олиб борган. Аксессуар уч қаватдан иборат бўлиб, у майда зарраларни фильтрлайди.
Apple’нинг маълум қилишича, Face Mask ниқобларини ювиш ва ундан яна беш маротабагача қайта фойдаланиш мумкин.
Эслатиб ўтамиз, коронавирус пандемияси сабаб Airbus авиакомпанияси ва Lamborghini заводи ҳам тиббий ниқоблар ишлаб чиқаришни бошлаган эди.
Мавзуга доир: iPhone тиббий ниқобдаги юзни таний бошлади
Изоҳ (0)