Россиялик режиссёр Артём Михалков «Жаноб Нокаут» фильмининг ижодий жамоаси билан тасвирга олиш жойларини кўриш учун Ўзбекистонга келди. Бу ҳақда «Ўзбеккино» миллий агентлигининг матбуот хизмати хабар берди.
«Жаноб Нокаут» – биографик драма бўлиб, машҳур совет боксёри, 1964 йилда Токиода бўлиб ўтган Олимпия ўйинлари ғолиби, икки карра Европа чемпиони, олти карра СССР чемпиони ва Вел Баркер Кубогини қўлга киритишга муваффақ бўлган ягона совет боксёри Валерий Попенченко ҳаёти ҳақида ҳикоя қилади.
Бўлажак Олимпия чемпионининг ёшлиги урушдан кейинги йилларда Тошкентдаги Суворов мактабида ўтади. Ушбу факт Ўзбекистонда, яъни Тошкент, Бухоро, Чирчиқ ва Янгиободда фильмни суратга олиш учун асосий омил бўлди.
Фильм ижодкорларидан постановкачи оператор, постановкачи рассом, иккинчи режиссёр, картина директори Ўзбекистонга ташриф буюрган.
Фильм директори ва продюсер — машҳур режиссёр Никита Михалковнинг ўғли Артём Михалков.
«Жаноб Нокаут» Артём Михалковнинг «Бекат», «Қора шаҳзода сири», «Россияга қизиқиш», «Москва, сени севаман!» фильмларидан кейинги олтинчи тўлиқ метражли режиссёрлик иши ҳисобланади. Фильмнинг суратга олиш ишларида «Ўзбеккино» МА амалий ёрдам беради.
Изоҳ (0)