Тикувчилик қилиб онасининг операцияси учун пул йиғаётган 5 опа-сингилга саховатли юртдошларимизнинг ёрдами зарур

«Дарё» таҳририятига Наманган вилояти Норин туманида яшовчи Умида Мамадалиева оғир хасталикка чалинган онаси учун моддий ёрдам сўраб мурожаат қилди.

Мурожаатчининг айтишича, онаси Ўғилхон Мамадалиева 1969 йилда туғилган. Иккинчи гуруҳ ногирони.2018 йил Наманган кўп тармоқли тиббиёт марказида ўт пуфагидан тош олдирган. Бироқ операцияда шифокорлар томонидан жигардаги томирларга зарар етказиб қўйилган. Шундан сўнг Воҳидов номидаги Республика хирургия бўлимида кесилган томирни улаш учун яна беш маротаба операция бўлган. Бироқ барча амалиётлар муваффақиятсиз якунланган.

Хорижда операция қилдириш ниятида ҳиндистонлик мутахассислар билан гаплашилганда жигарнинг етмиш фоизи кесилиб кетганлигини фақат жигар ўтказиш йўли билангина онасини даволаш мумкинлигини айтишган. Бу операцияга эса 27 минг доллар кераклигини маълум қилишган.

«Оилада бешта қизмиз. Ҳаммамиз Тошкентда чеварчилик қилиб, пул топардик. Аммо карантин туфайли уйга қайтганмиз. Ҳозир давлатдан кредитга тикув машиналарини олиб, тикувчилик қиляпмиз. Онамнинг кунлик ва ҳафталик муолажаларига пул етказиб турибмиз. Лекин қанча уринмайлик, ҳаракат қилмайлик, онажонимнинг операцияси учун  пул орттира олмаяпмиз. Айни пайтда яхши инсонларнинг саховатига жуда муҳтожмиз», — дейди биз билан суҳбатда Умида Мамадалиева

Биз барча саховатли юртдошларимиздан Ўғилхон Мамадалиеванинг оёққа туриб, соғайиб кетиши учун ёрдам беришларини сўраб қоламиз.

Ўғилхон Мамадалиевага хайрия қилмоқчи бўлганлар учун керакли маълумотлар:

Пластик карта орқали:

Қизи Мамадалиева Умида номидаИпак йўли банк: 8600140493740832Муножат Мамадалиева номидаВиза карта: 4231200000690080

Умида Мамадалиеванинг телефон рақами:

+998930590073