«Барселона» собиқ футболчиси Ривалдо каталон клуби форварди Лионель Мессининг «Манчестер Сити»га ўтиши мумкинлиги ҳақидаги миш-мишларга ўз муносабатини билдирди.
У 33 ёшда, аммо унинг истеъдодини инкор этиб бўлмайди, ва менимча, у яна ҳали яна бир неча йил чўққида бўлади. У Англияда тезда порлаши мумкин. Гвардиола Мессининг имкониятларини яхши билади ва уни тезда жамоага қўшиб юбора олади. Ҳатто Гвардиоланинг жамоа ўйинини Месси атрофида қуришини ҳам тасаввур қиляпман. Унинг истеъдоди исталган жой ва вақтда иш бериши мумкин, мен унинг Премьер Лигада ҳам ғалабаларга эришишига ишонаман.Аввалроқ Месси «Барселона»дан кетишга қарор қилгани ва у «Манчестер Сити» ўтишга яқин тургани ҳақида хабар берилганди.«Барселона»нинг энг буюк ўйинчиси клубни тарк этиш учун шартномани бекор қилиш бандидан фойдаланмоқчи бўлаётганини кўриш қайғули. Аммо биз воқеанинг иккала томонини ҳам эшитишимиз ва аслида нима бўлаётганини тушунишга ҳаракат қилишимиз керак.
Пандемия туфайли клуб катта қийинчиликларга дуч келаётган бир пайтда энг асосий юлдузни бепул йўқотиш — катта зарба. Бу Мессининг зудлик билан кетишига тўсқинлик қилаётган асосий омил, чунки «Барселона» пул ишлаб олмоқчи.
Роналдунинг 2018 йилда «Ювентус»га 100 миллион евро эвазига сотиб юборилгани «Реал» учун унчалик ҳам фойдали бўлмагандек кўринганди. Бироқ Месси билан бўлаётган воқеаларга қараб, ҳаммаси «Реал» учун унчалик ёмон бўлмаганини кўриш мумкин. Боиси Мадрид клуби керакли вақтда яхшигина пулга эга бўлганди.
Мессининг «Барселона»даги ҳикояси тугаганини кўриш жуда ачинарли. Аммо бу футбол, баъзида ишлар биз кутгандек бўлмайди.
Ривалдо, собиқ футболчи
Изоҳ (0)