Суратдаги мана бу ширин болакайнинг исми Фазлиддин. Ҳозир 9 ёшда. Уч ярим йилдирки, Фазлиддин оғир дард билан курашиб келади.
2017 йилнинг февраль ойида унга саратон касаллигининг ўнг томонлама нефробластома тури буйрак саратони ташхиси қўйилган. 2017 йил майда Фазлиддинда ўнг томонлама нефрэктомия жарроҳлик амалиёти бажарилган.
Онасининг айтишича, жарроҳлик амалиёти жуда мураккаб тарзда бўлиб ўтган. Тананинг ўнг томонлама буйрак қисмида жарроҳлик амалиёти ўтказилган. Операцияда танадаги ўсимталар буйракка йиғилиб, уни зарарлагани учун Фазлиддиннинг бир буйраги олиб ташланган. Болакайнинг танасига 20 та чок тушган.
Фазлиддин ўтган вақт давомида Гематология ва қон қуйиш илмий-текшириш институти шифохонасида бир неча босқичли кимётерапия муолажаларини олди. Лекин мутахассисларнинг фикрича, даволаниш тўлиқ тугатилмаган.
«Фазлиддиннинг шифохоналарда керакли муолажаларни олиб, мунтазам шифокорлар кўригида бўлишига тўғри келяпти. Афсуски, моддий етишмовчилик, қолаверса, карантин сабаб болажонимнинг дорилари тугул, кўнгли тусаган егуликларни олиб беришга ҳам имконимиз йўқ», - дейди болакайнинг онаси биз билан суҳбатда.
Шифокорларнинг айтишича, Фазлиддиннинг соғайиб кетиши учун ҳали имконият бор. У ўз вақтида дори-дармонларни қабул қилиш шарт. Аммо оила имкониятларининг чеклангани унинг ота-онасини ташвишга солиб қўйган.
Саховатпеша юртдошларимиздан бемор Фазлиддинни соғайиб кетишига имкон қадар ёрдам беришларини сўраймиз!
Хайрия қилмоқчи бўлганлар учун керакли маълумотлар:
Пластик карта орқали:Дадаси Жамолиддин Абдуразаков номида«Агробанк»: 8600 0417 6962 6103
Онаси Раъно Абдуразакова номига очилган«Микрокредитбанк»: 8600 0504 3983 2637«Микрокредитбанк» Ҳумо: 9860 1301 0474 4961
Хориждан банкдан маблағ юбормоқчи бўлганлар учун онасининг паспорт маълумотлари:
Абдуразоқова Раъно Рўзиматова
АА 670 49 32
Бемор Фазлиддиннинг онаси Раъно опанинг телефон рақами:+998977725637
Изоҳ (0)