Асли Германиянинг Кассель шаҳрида туғилган, Берлин, Гамбург ва Кассель театрларида роль ўйнаган актриса Марям Узерли 2011 йилда эфирга узатилган «Муҳташам юз йил» сериалидаги Хуррам роли билан машҳур бўлган. Қуйида актриса иштирокидаги энг яхши сериаллар ҳақида қисқача тўхталиб ўтамиз.
«Кеча маликаси» (2016)
Бу сериал Марям Узерли ва Мурат Йилдирим каби таниқли актёрлар иштироки билан жуда машҳур бўлган. Сериалнинг дастлабки номи «Жасорат» кейин «Севги ҳиди» ва охири «Кечанинг маликаси» номига ўзгартирилган.
Воқеалар гўзал қиз Ширин ва бир вақтнинг ўзида унга ошиқ бўлган икки эркак ўртасида ривожланади. Вазият оддий ва қийин эмас. Эркаклардан бирининг исми Азиз. Унинг аёли ўғлини дунёга келтираётганда вафот этади. Азиз эса хотинига бўлган муҳаббати туфайли ҳаётига янги аёлнинг кириб келишига йўл қўймайди. Аммо Ширинга бир кўришдан ошиқ бўлиб қолади. Сюжет жуда қизиқарли ва биринчи қисмдаёқ томошабинни ўзига жалб этади.
«Жингез Режай» (2017)
Актрисага ушбу картинада Кенан Имирзалиўғли партнёр бўлган. Жанговар ва комик воқеаларга бой бўлишига қарамай, сериал жуда катта чўққига эришмади.
Сюжет йўлтўсар Режай атрофида айланади. Уни ҳамма олийжаноб ўғри деб атайди. У йўлтўсарлар гуруҳига кирган ва турли хил ўғриликлар билан шуғулланади. Марям Узерлининг бу картинадаги иштироки янада кулгили ва қизиқарли.
«Бошқа томон»
Фильмда бош ролларни Марям Узерли, Ўзжан Дениз ва Асли Энвер ижро этган.
Ўзжаннинг собиқ севгилиси Сара унга бошқа шаҳарга кўчиб ўтишни таклиф қилади. Натижада Ўзжан ва унинг ҳозирги севгилиси Эже биргаликда кўчади. Аммо Сара Ўзжанга қайта эришиш учун шундай режа тузганини билган Эже изсиз йўқолади. Сюжет қизиқарли бўлишига қарамай жуда чигал.
«Муҳташам юз йил»
Тарихий далилларга асосланган, энг яхши танланган актёрларга ва ажойиб сюжетга эга муваффақиятли сериал. Айнан Хуррам султон роли актриса Марям Узерлига машҳурлик олиб келган.
«Онамнинг яраси»
Бу фильм 2016 йилда суратга олинган. Бош ролларни Окан Ялабик, Мерем Узерли, Ўзан Гувен, Меҳмет Эргенлар ижро этган.
Фильм етимхонани ташлаб, фермага ишга кирган Солиҳ исмли етим бола ҳақида ҳикоя қилади. Аслида бола ота-онасини топишга, улар ҳақидаги ҳақиқатни билишга ҳаракат қилади. Марям Узерлининг бу фильмдаги образи унинг ижодидаги энг такрорланмас роллардан биридир.
Изоҳ (0)