Бугун,

  • USD 11095.31
  • RUB 173.84
  • EUR 10772.44

Беларусда янги конституцияни қабул қилиш бўйича референдум бўлиб ўтганидан кейин президентлик сайловлари қайта ўтказилиши мумкин. Бу ҳақда амадаги президент Александр Лукашенко маълум қилган, деб ёзмоқда Sputnik Беларусь.

Фото: «Белта»

Фото: «Белта»

«Гап бундай йигитлар. Биз сиз истаганингиз, яъни янги конституцияни қабул қилишимиз керак, муқобил қарорни қўллаб-қувватлаганлар ҳам бунга қарши эмас. Эҳтимол, парламент, президентлик ва маҳаллий кенгашларга сайловлар ҳам қайтадан ўтказилар», — деган Лукашенко Минскдаги ғилдиракли шатакчилар заводидаги учрашувда.

Мухолифатнинг оммавий норозилик намойишлари 9 августда президент сайловларидан кейин бошланган, уларда МСК маълумотига кўра, Лукашенко 80,1 фоиз овоз тўплаган ва ғалаба қозонган.

Намойишларнинг дастлабки кунлари кучишлатар тизим вакиллари томонидан фуқароларга нисбатан зўравонлик ҳолатлари кузатилган, одамларга қарата кўзни ёшлантирувчи газ, водомётлар ва резина ўқлар отилган. Кейинчалик милиция ва ҳарбийларнинг ушбу зўравонликлари анча камайган.

Расмий маълумотларга кўра, намойишлар бошланган дастлабки кунларда 6,7 минг нафардан зиёд одам қамоққа олинган. Беларусь ИИВнинг хабар қилишича, тартибсизликлар оқибатида юзлаб одамлар жароҳатланган, ҳуқуқ тартибот органлари ходимларининг 120 нафарга яқинига шикаст етган, бир нафар ходим ҳалок бўлган.

Аввал Европа парламенти Лукашенкога Persona non grata мақомини бергани ва Кремлдан Беларуснинг ички ишларига аралашмасликни сўрагани хабар қилинганди. Ундан олдин интернетда Беларусь томон Россия Миллий гвардиясининг ўнлаб ҳарбий техникалари ҳаракатланаётгани ҳақида видеолар тарқалган.

Изоҳ
Асосий янгиликлар
Маҳаллий
Тошкентда вояга етмаган бола бошқарувидаги Matiz ҳаракатсиз турган Ladа билан тўқнашди (видео)
Маҳаллий
Ўзбекистонда 4 июнь куни ҳаво ҳарорати 39 даражагача кўтарилади
Маҳаллий
Шавкат Мирзиёев Туркия президентининг инаугурация маросимида иштирок этади