Беларусдаги «Озодлик марши». 16 августнинг асосий воқеалари

Бугун, 16 август куни Беларусда давометаётган норозилик намойишларининг 8-куни. Бугун нималар билан эсда қолди?

Мамлакат Ички ишлар вазирлиги митингда 65 минг киши иштирок этганини маълум қилди. Лукашенко митинг иштирокчилари қаршисида нутқ сўзлади.

«TUT.by» порталининг ёзишича, Беларусь вилоятларидаги бюджет ташкилотлари ишловчиларини митингга боришга мажбур қилишган. Улар митингга автобус ва поездларда олиб келинган. Рад этганларни ишдан бўшатиш ёки ётоқхоналардан чиқариб юбориш билан таҳдид қилишган. Нашрнинг ёзишича, қонун бўйича дам олиш кунлари ходимларни митингларда иштирок этиш ёки маълум сиёсатчини қўллаб-қувватлашга мажбур қилиш мумкин эмас.

ФОТОФАКТ: В Минске на площади Независимости были представители всех регионов страны pic.twitter.com/svJepl3jwh

— БЕЛТА (@beltanews) August 16, 2020

Намойишчилар орасида Беларусь байроғи билан биргаликда коммунистик партия байроқлари, Георгий лентаси ва байроғини кўтариб олганлар ҳам бўлган.

* * *

Шунингдек, бугун Беларусь президенти Лукашенко ҳаво-десант бригадасини Витебскдан мамлакат ғарбий чегарасидаги Гродно шаҳрига жойлаштириш тўғрисида буйруқ берди.

«Ушбу ҳудудларда содир бўлаётган воқеаларни тинчгина кузатиб ўтира олмаймиз. Мазкур муаммо, шунингдек, ҳарбийларимизни ҳам ташвишга солмоқда. Шу сабабли ғарбий чегарадаги вазият кескинлашгани сабаб қўшимча равишда Витебскдаги ҳаво-десант бригадасини Гроднога жойлаштиришни сўрайман», — деди Лукашенко.

Беларусь президенти десантчиларнинг Витебскдан Гроднога жойлаштирилиши нима сабабдан амалга оширилаётганига ойдинлик киритмаган.

* * *

Бугун Минскда энг катта намойиш ўтказилди. Унда 200 мингдан ортиқ аҳоли иштирок этди.

Аввалдан маълум қилинганидек, маҳаллий вақт билан соат 14:00 да Минск ва бошқа шаҳарларда амалдаги ҳукуматга қарши «Озодлик марши» акцияси ташкил этилди.

ОАВда намойишда қатнашадиганлар сони 60-100 мингдан ошиқ экани айтилмоқда. «TUT.by» нашри хабарига кўра, намойишда қатнашиш учун 200 мингдан ортиқ одам йиғилди. Нашр хабарига кўра, бугунги намойиш мамлакатда давом этаётган намойишларнинг энг йириги бўлган.

Meduza хабарига кўра, намойишчилар Минскдаги Мустақиллик майдонидаги ҳукумат уйига қараб йўналган.

«Озодлик марши» ҳамон давом этмоқда.