Канада бош вазири комикс қаҳрамонига айланади (фото)

Канада бош вазири Жастин Трюдонинг таржимаи ҳоли асосида комикслар чизилади ва сотувга чиқарилади. Бу ҳақда Reuters агентлиги хабар тарқатган.

10 йилдан буён сиёсатчилар ҳақида комикслар яратиш ва тарқатиш билан шуғулланувчи АҚШдаги TidalWave компанияси янги нашрга тайёргарлик кўрмоқда. Суратларда Трюдонинг касбий ҳамда шахсий ютуқлари, унинг ҳаётида кузатилган қийинчиликлар ҳақида ҳикоя қилинади. Бундан ташқари, комиксларда сиёсатчининг муваффақиятида унинг отаси амалга оширган муҳим ҳаракатларга ҳам ўрин берилади. Эслатиб ўтамиз, Жастин Трюдонинг отаси Пьер Трюдо Канаданинг 15-бош вазири бўлган.

24 саҳифадан иборат комикс 16 сентябрдан сотувга чиқади. Китобчанинг муқовасида Трюдо Супермен персонажи либосида фақат «С» ҳарфи ўрнида Канада рамзи ҳисобланувчи барг туширилган сурати бўлади.

https://twitter.com/TidalWaveProd/status/1293622497179398145

Комиксда Трюдонинг юқори рейтинги ва канадаликлар орасидаги обрўси алоҳида қайд этилади. «Сиёсий куч» деб номланган қаттиқ муқовали комиксни махсус буюртма орқали ҳам харид қилиш мумкин.

Жастин Трюдо 1971 йил 25 декабрда Оттавада туғилган. У 2015 йилда мамлакатнинг 23-бош вазирига айланган.

Аввал Трюдонинг ирқчилик ва полиция зўравонлигига қарши норозилик намойишларида иштирок этганди. У Оттавадаги намойишчилар билан бирга мазкур муаммонинг ечилишини талаб қилган.