«Бавария» ҳимоячиси: «Мессининг мухлиси бўлганман, энди эса унга қарши ўйнайман. Орзум ушалди»

«Бавария» ҳимоячиси Альфонсо Дэвис Чемпионлар Лигаси чорак финалидан ўрин олган «Барселона»га қарши учрашув ҳақидаги фикрлари билан ўртоқлашди.

Дунёнинг энг яхши футболчиларидан бири Лионель Мессига қарши ўйнайман. Бунга ақл бовар қилмайди. Ростини айтсам, нима дейишни билмайман. Орзум ушалди.

Кеча онам қўнғироқ қилди, шу вақтда отам суҳбатга қўшилди. У менга шундай деди: «Шунда сен севимли футболчингга қарши ўйнайсанми?» Мен «ҳа» деб жавоб бердим. Иккаламиз ҳам кулиб юбордик. Биз буни тасаввур ҳам қила олмасдик. Отам болалигимдан Мессининг мухлиси бўлганимни биларди. Энди эса мен унга қарши ўйнайман. Бу жуда зўр.

Болалигимдан мен унинг ўйинларини доимий равишда кузатиб келаман. Энди эса уни тўхтатишга ҳаракат қилишим керак. Бу бутунлай бошқача ҳикоя бўлади. Ўзимга келадиган бўлсак, мен шунчаки ўз футболимни ўйнашга ҳаракат қиламан, ҳеч нарсани ўзгартирмайман. У билан курашда энг яхши фазилатларимни кўрсатаман деган умиддаман. Унинг ажойиб ўйинчи эканлигини ҳамма билади.

Бу ақл бовар қилмас ўйин бўлади. Майдонга чиқишни сабрсизлик билан кутяпман. Ишонаманки, ҳамма ушбу учрашувни интизорлик билан кутмоқда.

Альфонсо Дэвис, «Бавария» футболчиси