Маймунга термос совға қилишди. У қутини очиб, йўриқномани ўқий бошлади (видео)

Жорж лақабли маймунга термос совға қилишди. Маймун совғани шошиб очиб, йўриқномани ўқиётгани акс этган видео интернетда оммалашди, деб хабар беради «РИА Новости».

Видеони баскетболчи Рекс Чепмен ижтимоий тармоққа жойлаган ва у аллақачон икки миллион марта томоша қилинган.

Видеода Жоржнинг қути олгани ва уни ҳаяжон билан очгани кўрсатилган. У қути ичидаги термосни кўрганда жилмайган ва камерага қараган. Маймун совғани синчковлик билан кўради, уни ҳидлайди ва қопқоғини очади. Барчанинг хурсандчилигига қараб, йўриқномани ўқий бошлайди.

https://twitter.com/RexChapman/status/1291514990130876418

Фойдаланувчилар қизиқувчан маймундан хурсанд бўлди. Кимдир бу видеони бир ҳафта ичида кўрган энг яхшиси, дея изоҳлади.