Кечки овқатга анъанавий Болоньезе спагеттисини тайёрлаб кўринг

Иштаҳа очувчи бу таомни истеъмол қилиш учун Италияга бориш шарт эмас. Қуйидаги рецепт билан тайёрласангиз кифоя.

Керакли маҳсулотлар:

• 2 ош қошиқ зайтун ёғи;
• 2 дона саримсоқ пиёз;
• 1 бошпиёз;
• 1 дона сабзи;
• 1 дона селдерей пояси;
• 375 мл қуруқ қизил вино;
• 500 гр мол гўшти қиймаси;
• 500 мл мол гўшти шўрваси (бульон);
• 1 чой қошиқ шакар;
• 850 гр консерваланган помидор;
• 3 ош қошиқ майдаланган кашнич;
• 500 гр спагетти;
• таъбга кўра пармезан пишлоғи.

• Катта товага зайтун ёғини солинг ва унга майдаланган саримсоқ пиёз, сабзи, пиёз, селдерейни қўшинг.
• Сабзавотларни юмшоқ бўлгунга қадар 5 дақиқа паст оловда пиширинг;
• Оловни баландлатиб, гўштни қўшинг. Ёғоч капгир билан аралаштиринг, қолдиқларни қиринг.
• Бульон, вино, помидор, шакар ва кашнични қўшинг;
• Қайнаш ҳолатига келгач, оловни пасайтиринг ва вақти-вақти билан аралаштириб, 1,5 соат қайнатинг;
• Туз ва зираворлар қўшинг;
• Спагеттини қайнатиб олиб;
• Соус ва пармезан билан безатиб, дастурхонга тортинг.