Футбол бўйича Беларусь Олий Лигасининг 21-турида Солигорскнинг «Шахтёр» клуби 6 август, пайшанба куни «Динамо Брест»ни қабул қилди.
Учрашувда тенг кураш кечди, бироқ майдон эгалари вазиятларнинг бирида рақиб хатосидан унумли фойдаланиб, ғалабани илиб кетди. 79-дақиқада Жасур Яхшибоевнинг узатмасидан кейин Дмитрий Подстрелов ҳимоячиларни ажойиб тарзда доғда қолдирди ва кучли зарба билан узоқ бурчакни аниқ нишонга олди. Мана шу гол ўйин тақдирини ҳал қилди.
Мазкур баҳсда ўзбекистонлик ҳужумчи Жасур Яхшибоев тўлиқ ҳаракат қилди.
Ушбу ғалабадан кейин «Шахтёр» 43 очко билан якка пешқадамлик қилмоқда ва битта захира ўйинига эга энг яқин таъқибчиси БАТЭни 6 очко ортда қолдирган. Амалдаги чемпион эса 29 очко билан 7-ўринда бормоқда.
Беларусь Олий Лигаси
21-тур баҳси6 август, пайшанба
«Шахтёр Солигорск» — «Динамо Брест» 1:0
Голлар: 1:0 – 79 Подстрелов.«Шахтёр Солигорск»: Гутор, Антич, Сачивко, Хадаркевич, Бурко, Сотников (Баланович, 66), Селява, Подстрелов, Иванович, Архипов (Бодул, 73), Яхшибоев.
«Динамо Брест»: Игнатович, Печенин, Милевский, Кисляк, Ноёк (Биков, 46), Веретило, Павловец, Давид Тве, Хачериди, Лаптев (Диалл, 67), Гордейчук.
Огоҳлантиришлар: Гутор (3), Сотников (10), Давид Тве (15), Ноёк (32), Хачериди (63), Бодул (81), Кисляк (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)