Футбол бўйича Ервопа Лигаси 1/8 финалидан ўрин олган бир қатор учрашувлар 6 август, пайшанба куни бўлиб ўтди.
Куннинг марказий ўйини «Севилья» ва «Рома» жамоалари ўртасида кечди. 22-дақиқада Серхио Регилон римликлар жарима майдонига ёриб кириб, дарвозани аниқ нишонга олди. Бўлим якунланиши арафасида Юссеф ан-Несири Лукас Окампоснинг узатмасидан кейин испанларнинг иккинчи голини урди.
Мазкур жамоалар ўртасидаги илк ўйин коронавирус сабаб қолдирилганди, шу сабаб кейинги босқич тақдири битта ўйинда ҳал бўлди.
Параллел баҳсда «Байер» жамоаси ўзида Глазгонинг «Рейнжерс»ини қабул қилди. Мусса Диаби томонидан киритилган ягона гол немис клубига ғалаба олиб келди. Левекузенликлар илк учрашувда ҳам ғалабага эришганди (3:1).
«Севилья» кейинги босқичда «Вулверҳэмптон» — «Олимпиакос» учрашуви ғолиби билан куч синашса, «Байер» «Интер» билан ўйнайди.
Европа Лигаси
1/8 финал
6 август, пайшанба
«Севилья» Испания — «Рома» Италия 2:0
Голлар: 1:0 – 21 Регилон, 2:0 – 44 ан-Несири.«Севилья»: Буну, Кунде, Навас, Регилон, Диего Карлос, Фернандо, Банега, Сусо (Мунир, 68), Жордан, Окампос, ан-Несири (де Йонг, 90).
«Рома»: Лопес, Спинаццола, Коларов (Вильяр, 78), Манчини, Бруно Перес, Мхитарян, Диавара (Карлес Перес, 57), Заниоло (Пеллегрини, 57), Кристанте, Рожер, Жеко.
Огоҳлантиришлар: Коларов (45), Диего Карлос (61), Пеллегрини (86), Жордан (90).
Четлатиш: Манчини (90+10)
«Байер» Германия — «Рейнжерс» Шотландия 1:0
Гол: 1:0 – 51 Диаби.Илк ўйин: 3:1
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)